أدم من الجنة وزوجته حواء واللي كان بسبب وسوسة العدو الأزلي للإنسان أبليس الملعون
وكانت الأرض في حالة فوضى عارمة وفي حالة معاشهاش أي إنسان غير سيدنا أدم الى عاش حالة من الحسرة والندم وعدم الاستيعاب ففي أقوال بتقول أنه بكى على الجنة سبعين عام وعلى خطيئته سبعين زيهم المهم نزلوا الارض وقابل سيدنا ادم والسيدة حواء وجه قابيل وهابيل ونكمل بقي قصتهم
كان السبب المتداول والى عارفينه بيقول أن الأتنين تصارعوا بسبب الزواج من الأنثى الأجمل في الأختين وده بسبب أن السيدة حواء كانت تنجب بكل بطن طفلين ذكر وأنثى وكان المفترض أن قابيل يتزوج من أخته اللي مش توأمه واللي هي تبقى أخت هابيل وعلى النقيض يتزوج هابيل من أخت قابيل
لكن قابيل رفضالأمر ده لأن أخته كانت أجمل
فطلب الأتنين من سيدنا أدم حل وسط للموضوع
فنزل على سيدنا أدم الوحي بأن يقدم الأتنين قربانين لله تعالى
و قبل الله قربان هابيل ورفض قربان قابيل
ومن هنا كان الأمر زواج هابيل من أخت قابيل زي ما كان مقررا من الأول
وهذا ذكر في القرآن الكريم في الاية
*( اذ قربا قربانا
فتقبل من احدهم ولم يتقبل من الآخر
قال لاقتلنك
قال انما يتقبل الله من المتقين)*
وأكل الغل قلب قابيل ووساس الشيطان له بقتل أخيه وأصاغ قابيل لشيطان و تسلل لأخيه وقتله برأس ماعز أو حمار فوق رأسه فسقط مقتولا وسرى الدم البشري لأول مرة على الأرض لحظة صمت ومشهد مهيب مليان رهبة وصدمة وخوف فيه المقتول اتقتل على يد أخوه وفاق قابيل من وسوسة الشيطان على منظر اخوه المقتول بيده وحس بندم ولكن مش هينفع الندم وقتها ووقف محتار جنب جثة اخوه مش عارف يعمل ايه فيها هل يسبها لحيوانات تأكلهااو يعمل ايه وفضل قاعد جنب جثة اخوه متحسر وندمان ومحتار حتي جي غراب يحمل جثة غراب تاني ميت وبدا يحفر الارض ثم قام بدفنه وهنا اندهش قابيل لانه لم يخطر فى باله ان يعمل زي الغراب
مثلما تقول الاية الكريمة*( يبحث في الارض ليريه كيف يواري سوءات اخيه قال يا ويلتاه قال يا ويلتاه اعجزت ان اكون مثل هذا الغراب اعجزت ان اكون مثل هذا الغراب فاواري سوءة اخي
فاصبح من النادمين*
وحسب رواية الطبري أن الصراع كان على الزواج من أخت قابيل واسمها إقليمة
وبعد اللي حصل اخدها وهرب
راح على مكان إسمه أرض نود واللي معناها أرض المنفى
وهناك عاش مع إقليمة وتزوج منها وأنجب منها أولاد كتير وامتد نسله
ومن ضمن المعلومات المذكورة في سفر التكوين وعلى اساس الروايات الاسرائيلية
فان ابليس وسوس لقابيل بعبادة النار
فابليس فسر لقابيل قبول القربان بانه بسبب النار
فكان أول من عبد النار في الأرض هو قابيل ونسله من بعده
واللي عاثوا في الأرض فسادا بسبب ابتعادهم عن التعاليم الحنيفة اللي نزل بها سيدنا أدم وعلمها لاولاده لكن الكلام ده مش مؤكد أو مثبت في الإسلام عندنا
من ناحية تانية إيه اللي حصل في الجنب التاني من المؤكد أن ان سيدنا أدم حزن على هابيل حزن شديد ويقال إنه بكى أربعين عام على فراق إبنه
وبعدها رزقه ربنا بولد اسمه شيث يعني هبة الله وكان عمره وقتها مية وتلاتين سنة وعاش شيث في كنف أبيه منعم بالاستقرار والأمان وأنجب إبن إسمه انوش واللي هو يعتبر الجد الأول لكثير من الأنبياء بعد كده
وكان بيدعو أولاده وينشر بينهم التعاليم اللي تلقاها من سيدنا أدم ويرسخها جواهم
وكان عنده علم عظيم جدا ربنا وهبه له
و قال محمد بن اسحاق ولما حضرت أدم الوفاة عهد إلى إبنه شيث وعلمه ساعات الليل والنهار وعلمه عبادات تلك الساعات وعلمه كل شيء تعلمه وعلمه من ربه
ويقال إن أنساب بني أدم اليوم كلها تنتهي إليه وسائر أولاد أدم غيره أنقرضوا
ونقلا عن أبي إسحاق
لما توفي أدم عليه السلام وكان في يوم الجمعة
جاءته الملائكة بحانوت وكفن من عند الله عز وجل من الجنة
وعزوا فيه إبنه شيث عليه السلام
قال إبن اسحاق وكسفت الشمس والقمر سبعة أيام بلياليهن
وروي أنه لما انقضت نبوة أدم عليه السلام وجاء أجله أوحى الله إليه قد انقضت نبوتك وفنيت أيامك فأنظر إلى إسم الله الأعظم وما علمتك من الأسماء كلها وما يحتاج الناس إليه فادفعه إلى شيث وأمره أن يقبله منك ووصيه على أخيه لكى لا يقتله كما قتل هابيل
وروى ابن عساكر أن رسول الله صلى الله عليه وسلم قال كبرت الملائكة على أدم أربعا وكبر أبو بكر على فاطمة أربعا وكبر عمر على أبي بكر أربعا وكبر صهيب على عمر أربعا واختلفوا في مكان دفنه فالمشهور أنه دفن عند الجبل الذي أهبط عليه في الهند وقيل بجبل أبي قبيس بمكة وبرضو اختلفوا في مقدار عمره عليه السلام وذكر ده في الحديث عن إبن عباس وأبي هريرة أن عمره اكتتب في اللوح المحفوظ ألف سنة
وبعد أدم عليه السلام بقى عندنا نسلين متضادين من نفس الفصيل البشري لكن بايدولوجيات مختلفة على الضد مش على وفاق وده بيقودنا لضرورة تفسير (مصطلح الجاهلية الأولى)
إبليس لما حب ينشر المعازف وسط البشر يقال انه تجسد في صورة غلام ووهب نفسه لواحد من أبناء قابيل لخدمته
وفضل في خدمته لسبعين سنة حتى اطمأن له الرجل
و في ليلة قام الغلام (ابليس) باستخراج الة ونفخ فيها فخرج صوت لم يسمع مثله من قبل
فبلغ ذلك من حولهم فصار الناس يسمعون إليه واتخذوا عيدا يجتمعون إليه في السنة فتتبرج النساء للرجال وتعم الفاحشة في ذلك اليوم
والموضوع وصل لأبناء شيث اللي كانوا ساكنين الجبال
و بدأ ينزل منهم البعض عشان يجتمعوا مع أبناء قابيل في أعيادهم
ويقال إن عدد من نزل من الجبال للسهول من ابناء شيث وسط أبناء قابيل وصل ١٠٠ شخص
وشاعت فيهم الفاحشة وانتشرت المعازف وسط البشر
وهي دي بقى اللي إسمها الجاهلية الأولى وانتشر فيها البعد عن دين الله
وبكده بدأ إبليس يستشعر الإنتصار الساحق على البشر في بداية بزوغ الإنسانية على الأرض ولكن لم يكتمل فرحته بالانتصار لأنه ظهر رجل من أبناء شيث حكم الأرض بالحديد والنار ونشر الخير والصلاح اسمه
( مهيلائيل) المعروف أنه حاكم الأقاليم السبع
فبدأ مهيلائيل ببناء المدن وإنشاء مجتمعات للبشر بعد ما كانوا بيعيشوا في جامعات متفرقة
فلم شملهم وكانت أولى المدن السبع اللي بناها بابل
ومن ثم مدينة الصوص الأقصى بالمغرب
وبنى فوق تلك المدن حصونا منيعة
وقطع الأشجار وصنع من اخشابها كباري
وأسلحة خشبية
خد بالك أن أول من صنع السيوف الحديدية كان بعد مهيلائيل بسنين
وتحديدا من نسل قابيل
وفي المعسكر المضاد واسمه توبان قابين ابن لامك ابن خانوخ ابن قابيل
المهم مهلائيل كون جيش يمتلك اسلحة خشبية
وأختراع السيوف الخشبية ده كان طفرة في تاريخ الإنسانية
قدر بها الإنسان يستخدمها للدفاع عن النفس بشكل أفضل ضد الوحوش والغيلان والبشر نفسهم
بس إيه الوحوش والغيلان دي? الخيل كان من الوحوش ولفظ الغول والوحش كان بيستخدم للتدليل على الحيوانات الغير مروضة واللي كان من ضمنها الخيول مثلا
فكان مهائيل بيملك جيش حصين وبيحاول ينشر الخير وتعليم الآباء وقصاده أولاد قابيل واللي كانوا بينشروا الفاحشة والضلال وسط الأرض مهلائيل كان مفوه بيعرف يتكلم ويلقي خطب وبدأ يؤثر على الناس ويهديهم مرة تانية ويبعدهم عن الضلال فابليس بدأ يشعر كده انه بيخسر الحرب فبدأت الملحمة الأولى بين الخير والشر
بص احنا بحسب المصادر مثلا واصل لنا أن ابليس والجن عموما كان بيظهر للبشر وقت ما يكونوا عايزين
ويختفوا وقت ما يكونوا عايزين
والبداية كانت مع مهاجمة بعض الشياطين لقلاع مهلائيل ومحاولة لهدم حصونه
فتخيل معي جندي من جنود مهلائيل واقف فوق برج مثلا في قلعة
وفجأة يلاقي الشيطان بشكله المخيف ده طالع يتهجم عليه شيء مرعب واللي كان بيحصل أن الجنود مهلائيل بطريقة ما كانوا بيقدروا يهزموهم
وده خلى ابليس يغضب جامد
وبدأ العد التنازلي الفعلي لأعظم وأول وآخر ملحمة من نوعها شافتها الأرض
البشر ضد الجن
هدوء يتبعه صوت ابواق الحرب والطبول المخيفة تتوالى
وحضر مهلا ئيل العظيم بعدد رهيب من الجنود عند ابواب قلعته
ومعه جيش مهيب من البشر اللي بيعبدوا الله واللي كانوا من أبناء شيث بن أدم
و من الناحية التانية تقدر تقول جيش الشر
أبناء قابيل والغيلان والوحوش وعلى رأسهم جميعا ابليس
ويفصل ما بين الجيشين أرض واسعة
والأحداث بحسب الكتب والمصادر وقعت فعلا
ومش مجرد هراء
وما هي إلا لحظات وبدأت هتافات التهافت الحربي والحماس ترج الأرض اللي بدأت تتزلزل تحت التحام الجيشين وبدأ القتال واعداد القتلى في تزايد لا ينتهي
واندثار تام للقوات من هنا وهناك
ولكن مع مرور الوقت بدأت تتضح معالم المهزوم والمنتصر وبدأت النتيجة تبان
ابليس بدأ يتقهقر بجيشه ويبعد بعيد لحد ما تيقنت هزيمته الساحقة
و الحقيقة ما اقدرش أجزم أن الأسلحة اللي استخدمها مهلائيل كانت بدائية ولا متطورة
ولكنها كانت على قدر التحدي وقتها
زي ما أنت عارف الإنسان بيصنع التكنولوجيا على قدر الاحتياج
فما تقدرش تجزم إيه هي الأسلحة اللي استخدموها للتصدي للنوع ده من الحروب
المهم بعد الهزيمة الساحقة لإبليس قرر أنه يتزحزح ويروح على الجزر في البحار عشان يسكنها ومعاه الشياطين
واخد عرشه ووضعه على الماء هناك
ومن هناك بنى مملكته الجديدة كما ورد بمعظم كتب التراث
و استمر حكم مهلائيل بعدها أربعين سنة
ومن بعده تولى الأمر ابنه يارد واللي هو والد النبي إدريس بحسب المشهور
وفي عصره عاد الفساد مرة تانية للبزوغ
لحد ما نزلت نبوءة الطوفان العظيم
واللي ما حدش صدقها
لان نبوءة الطوفان كانت بقت قديمة وما تحققتش لسنين طويلة
وده كان اختبار لمدى ثبات المؤمنين
خلينا نقول لك المعلومة دي كمان مهلائيل وارد وانوش بيسموا في كتب التراث الآباء التاريخيين
واللي تم ذكرهم التاريخ الجانبي للوقائع الدينية ولكن دول مش انبياء
بس اللي عايزك تفهمه ان الانسان على طول الخط في حرب طويلة مطولة ممتدة مع ابليس
حتى لو بان الأمر لك وكانه بعيد وانه مش واقعي
أو أنك مش لامس ده ومتبع هواك
لكن صدقني
في حرب يومية يا تنتصر زي ما انتصر ميهلائيل يا تكون زي قابيل وابناؤه واللي انتهوا مع الطوفان وأحب أوضح لك أن الكلام ده نقلا عن مصادر موثوقة ولكن في الاول والاخر الله أعلم
شاركنا برأيك في التعليقات ويا ريت تقول لنا لو تعرف تفاصيل تانية او روايات من منظور آخر عن الأحداث دي