قال لي أن الشيطان ساكن هناك وبيخطف الناس من على السفن والطائرات عشان يستعبدهم ويساعدوه في المخطط بتاعه
ولما كبرت أكتشفت أن دي كانت حدوتة بيحكوها لنا وإحنا صغيرين
لأنه مغروس في وعي مجتمعاتنا لحد النهاردة وده له أسباب حقيقية
أن المكان ده فعلا مرعب
غالبا أنت مدرك أن الشياطين والجن عايشين في نفس الكوكب بس مش عارفين مكانهم ولا قادرين نشوفهم
فأنت لو سمعت عن مثلث برمودا هتسمع عن أنه مكان مليان بالشياطين
بس أنا النهاردة هأحكي لك عن حكاية مثلث أو بعيد عن الرعب والقصص الشعبية والخزعبلات الغير حقيقية دي
مبدئيا كده لما هبط إبليس من الملكوت بعد ما طرده رب العالمين من رحمته هبط الأرض فجعل عرشه على الماء بس فين بالظبط بقى لو مشينا ورا الكلام بتاع أن المكان ده فيه إبليس فمثلث برمودا هو شكل جغرافي بيقع في المحيط الأطلسي على شكل مثلث له تلت أضلاع متساوية الطول بالظبط الضلع الأول في منطقة فلوريدا والتاني في منطقة برمودا والتالت بيطل على منطقة بور تريكو ومساحته الكلية تقريبا مليون كيلو متر مربع
وهفهمك إزاي عرش إبليس على الماء في الآخر
وبداية الكلام عن مثلث برمودا كان عن طريق حد إحنا نعرفه كويس قوي سنة ١٤٩٨ البحارة الشهير مكتشف أمريكا كريستوفر كولمبس كان أول من أشار لمكان ده في العالم بخطاب مرعب كتب فيه كنا نبحر ليلا في المكان الذي أوردت احداثياته فرأيت ضوء عالى مع وهجا منيرا يطفو فوق السطح على الماء ولهبا يتصاعد فوق الأفق تحديد عند تلك المنطقة التي ما لبثت أن وصلت إليها حتى هاجمتنا العواصف بشدة
المرعب أن البوصلة تعطلت واخذت تضرب جميع الاتجاهات وكأننا نواجه حقل مغناطيسي ضخم
ومن هنا بدأ المكان ده يتعرف بأسم مثلث الشيطان وبدأ يعرفوه الناس ويتجنبوه ولا يبحروه فيه وزادت عليه إشاعات والحكايات والقصص بس مفيش ذكر لأي حوادث حصلت في المكان ده لحد سنة ١٨٠٠يعني بعد اكتر من ٣٠٠ سنة حصلت حادثة سفينة بيكيرنج الأمريكية اللي كان على متنها تسعين شخص اختفت في رحلتها اللي المفترض تعدي من خلال المثلث وما حدش لقى السفينة ولا الحيطان ولا الناس اللي كانوا عليها كأنها فص ملح وداب ومن جديد بدأت الناس تتكلم عن الموضوع تاني بس مش بقوة لكن تحصل حادثة تكون زي تريند في أيامها سفينة أسمها باتريوت بتبقى مبحرة في المكان ده ومرة واحدة بتختفي وما حدش بيعرف عنها حاجة وعلى متنها كانت بنت نائب الرئيس الأمريكي وقتها فيودوشة بير اليستون كانت لسه صغيرة وطلعت على متن السفينة دي عشان توصل لأهلها اللي كانوا مستنينها في مدينة نيويورك وعلى حسب خط سير الرحلة المفترض انها تعدي على مثلث برمودا ولكن ما حدش من اللي على متن السفينة وصل تماما فكل أصابع الاتهام راحت لمثلث برمودا فورا عشان بعد كده يتم التركيز على تسجيل حوادث الاختفاء فى الفترة دي في المكان ده زي مثلا سنة ١٩١٣مركب شراعي بيختفي من مثلث برمودا بلا أثر
والمفروض كان يوصل لجزر الكاريبي
بس ولا هو وصل ولا الطقم اللي عليه
سنة١٩١٦ مجموعة مراكب لجماعة من المستكشفين تخرج وكلها تختفي كل المعدات اللي عليها
وبعدها سنة ١٩١٨ غادرت ناقلة الفحم مينا بربادوس في اربعة مارس واختفت وعلى متنها ٣٠٦راكب ومجموعة حوادث صغيرة ولحد عشرينات القرن ده الوضع فضل حوادث صغيرة بيتم تسجيلها ولا حراك
لحد ما حصل اللي يخلي الموضوع يرجع على الواجهة تاني وسط عام
١٩٢٤المدمرة الامريكية وايلد كات تختفي في المكان ده وتحديدا بعد قيامها من كوبا بإتجاه جوزر تومكنز لكن ولا أثر والدنيا اتقلبت لأن اختفاء المدمرة العسكرية أربك المشهد السياسي في أمريكا وبقت الإشاعات تقول أن كوبا هي اللي دمرت المدمرة وبيقولوا أنها اختفت في مثلث برمودا وهكذا بس الموضوع هدي ومعه هديت كل الروايات والحكايات عن مثلث برمودا لحد مرور ما يقرب من خمسين سنة وتحديدا سنة ١٩٧٠ اختفت سفينة بريطانية أسمها اتلانتا ودي كانت أول مرة سفينة غير أمريكية هي اللي تختفي وكان عليها ٢٩٠ فرد، سفينة اتلانتا واحدة من أكبر سفن الأسطول البريطاني ولما راح البحارة عشان يعرفوا إيه اللي حصل وبيسألوا الأمريكان حكولهم عن مثلث برمودا ومن هنا بدأت الحكايات تتسع ورقعة الروايات عنها جغرافيا تتسع ويتحكي عن المكان المرعب ده في أوروبا كمان
وبعدها في نفس الفترة حصلت حوادث إختفاء تانية وسجلتها السجلات وسط رعب وخوف من المكان الحيوي ده
اللي كان عامل زي الفخ وبعدين تحصل حادثة ماري سليست الشهيرة
وركز في اللي جاي ده سفينة أسمها ماري سليست كانت معروفة قبل كده بالامازون لضخامة حجمها ،طاقم السفينة دي كان من النخبة اللي قادرين يبحروا في أي مكان وفي أي وقت عارفين مداخل ومخارج المحيطات ودواخل البحار والحدود البحرية فما كانش بيهمهم حاجة
وفي يوم قرروا أنهم يختصروا المسافات ويدخلوا المثلث ده
ويخرجوا بكل بساطة
لكن الأيام مرت وما حدش سمع عنهم تاني
وفي يوم عاصف على سواحل البرتغال في قارة أوروبا
مجموعة من البحارة لقوا السفينة ماري سيليست على شواطئهم زي ما هي
كل شيء عليها زي ما هو
ما فيهاش حتى خدش واحد
لكن مش موجود فيها البحارة كلهم
كمان أغراض البحارة ومؤنهم من أكل وشرب زي ما هي
لكن ما فيش وجود لأشخاص
وإيه اللي حدف السفينة بعيد كده وإيه اللي حصل مع البحارة ما حدش عارف كل ده والعالم كان على إستعداد لاستقبال القرن العشرين اللي هيكون مليء بالتطور والنقلة نوعية للبشر وأولها التصوير والتخزين للمعلومات.. ففي ١٩٢٤سنة حادثة سفينة كارول ديرين كانت مثيرة للرعب لأن تفاصيلها كانت في منتهى الدهشة والغرابة السفينة كانت تابعة لشركة فحم و أقلعت من ميناء نورفليك في ولاية فيرجينيا متجهة للبرازيل وتحديدا ميناء ريو دي جانيرو عشان تواصل
السفينة رحلتها كانت هتكون مدتها سنة كاملة
بس في أثناء الرحلة وتحديدا في شهر أغسطس
قبطان السفينة يحس بالاعياء ويقرر أنه ما يكملش الرحلة
فيراسل شركة الفحم وتبلغه يرسو بالسفينة على ميناء ديلاوير
وهناك يستبدلوا قبطان تاني ويبحر من ميناء ديلاوير في خط سيرها ويكمل بيها في نفس الاتجاه للبرازيل وبحارة السفينة في المية عادي جدا لحد يناير سنة ١٩٢٥حصلت حاجة غريبة جدا لما اتعرفت هزت العالم لما وصلت لقائد سفينة رسائل ضوئية ومعنى رسائل ضوئية من السفن بتنور بالليل في البحر هى اشارة طلب مساعدة وكانت هذة الرسايل من سفينة فقدت اتجاهاتها
وأسمها كارول دارين
وبعتت له مكانها وبدأ يتتبعها
ويحاول يراسلها برسايل
عن طريق الراديو
بس الرسايل مش بتوصل
وفضل يقرب منها ولما قرب منها فوجئ بطقم السفينة واقفين على ناصيتها في المنطقة المحظورة ومش فارق لهم بس كلهم بيبصوا في المية بانتباه شديد كانهم بيبصوا على حاجة تحت في المحيط ففر قائد السفينة فورا وما بصش وراه من الرعب
بس السفينة دي اختفت تماما وما ظهرتش تاني
إلا بعدها بتلت أيام ظهرت وكانت سليمة زي ما هي ما فيهاش أي مشكلة بس ما فيش ولا بني آدم عليها
والغريب أن مؤن الأكل ما اتلمستش وفي متحضر لتاني يوم عشان يتأكل
الامر مخيف صح !!!! لأ لسة مع دخولنا عصر الطائرات بدأت حوادث تحصل في نفس المكان فى سنة ١٩٤٥ في شهر يوليو توماس جارنر كان على متن طائرة عمودية ومعاه ١١مبتدأ للتدريب والمفترض ان مسار الرحلة عبر جزر البهاما اللي بتقع في وسط مثلث برمودا، فضل على تواصل مع الرادار لكنه أختفى في الساعة ١٠:١٦ صباحا في ١٠ يوليو ١٩٤٥وفضلت الطائرات تبحث عنه وعن الطائرة بلا أثر لمدة عشر أيام فعاد المثلث للظهور على صفحات الجرايد حتى كانت الفاجعة ٥ ديسمبر من نفس السنة خمس طيارات حربية على متنها ١٤ طيار اختفوا تماما في منطقة المحيط
تطلع طيارة تدور عليهم وعلى متنها ١٣طيار فتختفي هي كمان بس قبل ما تختفي كانت رسالة القائد هي مرحبا النجدة انقذونا
يبدو أننا خرجنا عن السيطرة تماما عنوة ولا نستطيع السيطرة على المحرك ولا نرى الأرض
المحيط غريب وانهارت الاحداثيات تماما
تنقلب الدنيا تاني بسبب المنطقة الغامضة والمرعبة دي
وتكتب الجرايد وتتملي الدنيا بموضوع مثلث برمودا وتطلع كل السجلات للحوادث في المكان ده
وتتكرر حوادث الطائرات على مدار التاريخ
وده خلى علماء وباحثين كتير جدا يدوروا مع تطور التكنولوجيا والعلم عن السبب الحقيقي ورا اللي بيحصل في المكان ده
الحقيقة إحنا لحد دلوقتي مش متأكدين من سبب الأحداث الغريبة دي ولكن اللي لاحظناه كان أننا لما بصينا بشكل أوسع شوية اكتشفنا أن حوادث في المكان ده بتحصل بشكل منطقي؛ الحقيقة أن المنطقة دي زيها زي أي منطقة تانية في المحيط بيحصل فيها نفس معدلات الكوارث وفي مناطق أشد خطورة منها بس مع شوية دراسات وأوراق علمية بتظهر في مجلات كبرى الباحثين اكتشفوا أن المكان ده فيه حقل كهرومغناطيسي مضطرب هو اللي بيسبب الكوارث دي يعني في سبب أحصائي منطقي وسبب علمي تاني وده اللي العلماء مع الوقت أثبتوا أن المكان طبيعي جدا وزيه زي اي مكان تاني في المحيط بس تفتكر هنقفل الموضوع هنا بص هي الأمور فعلا مشيت والوضع استقر والقصص والحكايات عن المثلث المرعب ده بقت من الماضي وبقى مش منطقة تستدعي شئ من الماضي لحد ما أنتشر تقرير عن أكتشاف هرم غريب الشكل تحت المنطقة دي هرم كريستالي تحت مثلث برمودا تقارير على الإنترنت أنتشرت أن اللي اكتشفه عالم أسمه دكتور ماير مع صورة لهرم كريستالي تحت المية التهب العالم كله دون مبالغة الموضوع ده قلب العالم وفورا اتقال أن هو ده اللغز كله واتحل خلاص الهرم ده هو سبب الاضطرابات في المنطقة بس الموضوع طلع من الأخر من أساطير الأنترنت الحديثة وما فيش حتى دكتور ماير ده مش موجود
كل ما في الأمر هو خلق الأسطورة عنكبوتية بغرض التسويق لموقع ما أو لمنتج معين بعيد تمام البعد عن المثلث ده
يعني ممكن يكون علبة جبنة والموقع اللي نشر الكلام ده اضطر يبس معلومة زي دي اللي هي محكمة بشكل حلو جدا مع صورة لاهرام الجيزة معدلة
قال يعني تحت الماية عشان بس يسوق لحاجة معينة
بس ثواني يعني التطور نفسه اللي حصل للبشرية وكان سبب في الحكم المبدئي أنها منطقة عادية زي أي منطقة
لما زاد شوية وبقى في إنترنت البشر ما سكتوش وبدأوا يخلقوا أساطير عن المثلث ده برضو اللي هو فيه ايه ؟ اشمعنى المكان ده تحديدا؟ وليه تحديدا مثلث برمودا واخد كل الضجة دي في عالمنا العربي والإسلامي؟ في حديث نبوي قال النبي عرش ابليس في البحر يبعث سراياه في كل يوم يفتنون فاعظمهم عنده منزلة أعظمهم فتنة للناس
والحكاية ان في عصر ما بعد سيدنا ادريس عليه السلام كان هناك عبدا صالحا وملكا عظيما أسمه مهلائيل
دخل في حرب عظيمة مع جيش ضخم يقوده ابليس
ويتكون من البشر والجن والمردة والعفاريت والوحوش
وانتصر عليهم مهلائيل وطردهم من الجزر المحيطات
وعليه اتخذ إبليس عرشه على الماء
كمان رواية تميم الداري في حديث نبوي حكى فيه لنا النبي عن رحلة لتميم الداري
قابل فيها الدجال على جزيرة غامضة وسط البحر وسأله أكتر من سؤال وفي الأخير قال له أن هو المسيح الدجال بنفسه ومن هنا الإشارات كتيرة جدا تجاه مثلث برمودا ولأن أحنا مش عارفين هل هو فعلا حقل كهرومغناطيسي مضطرب ولا هل فعلا المحيط كله مش البقعة دي بتحمل نفس الاحصاءات ولا إيه الحكاية المريبة اللي بتحصل هناك في كتابه المسيح الدجال يخرج من مثلث برمودا زكر الكاتب محمد عيسى داود مستندا لمصادر تراثية ان المسيح الدجال عايش في المكان ده وأن في بعد موازي لعالم اللي احنا عائشين فيه
و إبليس بنى لنفسه قصر ضخم كبير جدا
وعاش فيه مع المردة والشياطين
ولما اتولد المسيح الدجال جابوه هناك وبدأ يعتني به
وان إخفاء القصر الضخم المظلم ده اللي بيقع في المحيط واللي مسبب اضطراب كهرومغناطيسي
استنادا للكلام العلمي يعني مخفي عن العيون بسبب أبليس نفسه وبيكمل وبيقول أن المسيح الدجال هيخرج في نهاية الزمان أول ما يحصل خرق للقصر ده ويظهر للعامة لحد دلوقتي مقدرناش نكشف حقيقة مثلث برمودة بس اللي قدرنا نعمله وهو أني أذكر كل المعلومات والحوادث الحقيقية اللي لها علاقة بالمنطقة دي
لكن الحقيقة مازال مثلث برمودا لغز منذ قديم الأزل غير محلول