الأراضي المخفية وأسرار من العالم الأخر

 من مئات السنين أو من آلاف السنين الأنسان طول الوقت عايز يعرف هو عايش فين وعمل كمية رحلات استكشافية كان هدفها رسم خريطة العالم والتعرف على الأراضي المحيطة وعلى الشعوب وعلى القبائل المختلفة وكل خرائط العالم القديمة بتقول أن هم وصلوا لأراضي غريبة ووصفوا وشرحوا هم شافوا إيه هناك

 والأراضي دي حاليا في خرايط العالم الحديثة ما لهاش وجود

 أو بمعنى أصح اتشالت بشكل متعمد من على خريطة العالم

 كل خرايط العالم اللي اترسمت زمان

 وكل الرحالة والاستكشافيين العظماء اللي قدروا يوصلوا لأماكن بعيدة وغريبة جدا بأقل الإمكانيات وما كانش فيه أي نوع من أنواع التكنولوجيا اللي بتساعدهم علشان يحددوا الأماكن أو المساحات بتاعة الأماكن دي بالظبط

 هتلاقي وصف بالرسم كمان لأماكن فيها كائنات غريبة أو حيوانات مفترسة أو قبائل عندها عادات عدوانية وده علشان تبقى دليل لأي رحالة ويكون عارف هو داخل على مرحلة أو على أرض معينة شكلها أيه والكائنات اللي عايشة فيها إزاي فيقدر يأخد كل احتياطاته علشان هو عارف كويس هو داخل على الأرض دي موجود فيها أيه? الرحالة القدام والاستكشافيين زي سلام الترجمان قدر يوصل لمكان سد يأجوج ومأجوج

 ده وصف كمان مدينة بيغلب عليها اللون الأسود

 وبيطلع منها رائحة كريهة جدا

 وبعد ما بتمشي لمدة زمنية جوه المدينة دي بتلاقي بعد كده سد يأجوج ومأجوج وواضح قدامك

 

 المهم الرحالة والعلماء دول كمان وصلوا لحد الجدار الجليدي

 واكتشفوا ممرات وسط الجليد لها طابع خاص جدا

 وبعدها بتدخل على أراضي جديدة

 وعلى حسب وصفهم أنها زي الجنة

 ووصفوا الأرضي اللي وصلوا لها دي بأنها متطورة جدا وعلى مستوى راقي جدا

 وكلها كنوز وثروات كتيرة

 فيه أصلا حضارات كتير اختفت ومعروف أنها سابت ثروات وكنوز كتير جدا وراها

 ولأن الغرب وأمريكا عارفين كويس أن قوة الشعوب بتقاس بالعلم

 فكان هم دايما أزاي يقدروا يحصلوا على كل الكتب العلمية والأبحاث العلمية والدراسات وتكون النسخ الأصلية عندهم

 وعلشان كده كانوا دايما بيدوروا على كل الخرايط القديمة اللي اترسمت للكرة الأرضية

 من كل الرحالة والعلماء على مستوى العالم

 ويقعدوا يقارنوها ببعض علشان يحددوا الأماكن الموجودة حقيقية أو لأ أو على الأقل علشان يعرفوا الوصف الخاص بكل منطقة أنه مظبوط أو لأ وطبعا مع الوقت تم اخفاء بشكل متعمد أجزاء من الخرايط أو أجزاء من الأراضي على الخرايط وده علشان يسيطروا على الأراضي والكنوز اللي فيها أو مكان حضارة معينة معروفة أو مثبوتة على الخرايط القديمة بالكنوز اللي فيها

 فيه راجل أمريكى أسمه ريتشارد كان شغال في سلاح الجو الامريكي

 بيحكي في مرة أنه كسر كل القواعد الخاصة بالمنطقة المحظورة في قارة انترتكا وعدى بالطيارة بتاعته عمق كبير وأن شاف بعينه أماكن خضراء وجميلة جدا عكس تماما ما بيتصدر للإعلام أو بيتصدر لنا أن قارة انترتكا عبارة عن جليد مش أكتر وكمان صور صور الأراضي دي وبعدها رجع ولما بدأ يحكي الكلام ده طلب منه أنه ما يتكلمش خالص

 لكن بعد سنين طويلة ريتشارد طلع في لقاء تليفزيوني وحكى اللي شافه بالظبط في قارة انترتيكا بالتفصيل الممل

 

 وكالة ناسا نفسها بتقول أن أقرب خريطة للواقع الحالي بعد التطور والتكنولوجيا اللي قادرة ترسم خريطة للعالم بدقة كبيرة جدا هي كانت خريطة سلام الترجمان

 برغم بدائية الرحلات الاستكشافية إلا أن سلام الترجمان رسم خريطة للعالم في منتهى الدقة

 ولما تركز مثلا في خريطة سلام الترجمان هتلاقي أماكن أراضي كاملة ما لهاش مكان دلوقتي وما لهاش وجود حاليا

 طب الراجل ده وصل هناك أزاي? وكمان وصفها بالشكل الدقيق ده إزاي? ومنها أماكن كتير كان بيوضح فيها الثروات اللي داخل الأراضي دي

 ومن الحكايات القصص الموثقة أن هتلر كان على علم بوجود أراضي مخفية أو بوجود مناطق مخفية ممنوع الناس توصل لها

 سواء كانت الأراضي دي على سطح الأرض أو في جو في الارض

 وكان بيصمم أسلحة ومعدات تقدر تعتمد على الطاقة اللانهائية

 طاقة مستمرة متجددة تقدر تخلي السلاح ده يستكشف بشكل أكبر

 وهنا أعتمد هتلر على مجموعة من العلماء في مجالات مختلفة للوصول لافكار كتيرة جدا أو لتحقيق أهداف علمية كتيرة

 لكن كان أهمها هو أكتشاف الأراضي المخفية

 وهنا كانت علاقته بالعبقري نيكولا تسلا

 نيكولا تسلا اخترع فكرة الطبق الطايف

 يقدر يتحرك في اتجاهات مختلفة في نفس الوقت

 ومع سرعات كبيرة جدا أكبر من أي سلاح أو طيارة حربية بالامكانيات اللي كانت موجودة في الزمن ده

 وسابوا الناس ساعتها تقول غزو فضائي واطباق طايرة علشان يفضل المشروع ده في السر ويتطور

 وبعدها هتلر قدر يوصل لأماكن في الأراضي المخفية وحضارات كاملة بنى معها علاقات سرية وبعد هزيمة هتلر يشاع أن هتلر أتحرك مع عيلته وخد معه ألف من المواطنين الألمان من النخبة وهربوا على واحدة من الأراضي المخفية دي وأن هتلر أصلا ما ماتش

 بس الفكرة أنك علشان توصل للأراضي دي محتاج عالم عظيم زي نيكولا تسلا

 وسيناريو الأطباق الطايرة اللي حصل زمان واللي خلى الناس تتخيل أن في غزو فضائي وأن هم واطباق طايرة ويفضل موضوع الاكتشاف ده في السر هو تقريبا نفس اللي بيحصل دلوقت لكن مع بعض التغييرات

 نفس السيناريو بيتكرر تقريبا ناسا بتطلق صواريخ في الفضاء وتلسكوب قوي جدا إسمه جيمس ويب اللي اطلقته وكالة ناسا لمسافة أكثر من الف و٥٠٠ كيلو متر من بعد الغلاف الجوي واللي بيقدر يقيس كل حاجة في الفضاء ويقدر يصور صور للكواكب والمجرات بطريقة هائلة ومتطورة جدا وقادر كمان يحدد أن في أماكن ممكن يكون في حياة عليها أو لأ

 جيمس وبكمان قادر تقيس وجود الماية على الكواكب وبالتالي بيقدر يحدد كل كوكب كمان مكوناته عبارة عن أيه

 الغريب بقى أنه في وسط التطور والتكنولوجيا العظيمة دي أنت مش قادر أصلا تجيب أخر الأرض

 أنت مش قادر أصلا تدخل قارة انتارتيكا وتدخل لعمق القارة من جوه على حسب ما هم بيقولوا

 يعني أنت قادر توصل للفضاء وتصور صور بسرعات ضوء هائلة جدا

 لدرجة أنك تقدر تشوف صورة بقى لها أكتر من مليون سنة ضوئية

 لكن مش قادر تجيب أخر قارة انترتكا ? الموضوع فعلا محتاج تفكير

 سبحانه وتعالى قال سبع أراضين

 أكيد في أراضي موجودة أحنا ما نعرفش عنها حاجة

 أو على الأقل الأراضي دي كانت معروفة وحاليا مش عايزينا نعرف عنها حاجة

 لكن كل خرايط العالم القديم وضحت كل الأماكن

 ولان الرحالة والاستكشافيين دول كان عندهم ضمير كانوا بيقولوا على أماكن الأراضي دي بس الخرايط دي فيه منها كتير جدا اختفى