جزيرة المسيخ الدجال رحلة الصحابي تميم الداري

 فتنة الدجال علامة من علامات الساعة الكبرى بل واحدة من أخطر الفتن اللي هتحصل في آخر الزمان وبرغم أن الدجال مش هيظهر غير في فترة الفتن والملاحم اللي في الآخر إلا أن في عهد النبي صلى الله عليه وسلم حصلت حادثة غريبة جدا

واحد من الصحابة حكى للنبي صلى الله عليه وسلم حكاية حصلت معه قبل ما يسلم

قال إنه في يوم من الأيام هو ومعه تلاتين واحد تانيين شافوا الدجال شخصيا على جزيرة معزولة في عرض البحر بس ما حدش فيهم يعرف مكان الجزيرة بالظبط لأنهم قبلها تاهوا في البحر تلاتين يوم كاملين والنبي صلى الله عليه وسلم صدق على الحكاية بتاعته   في واحدة من أغرب قصص التراث الإسلامي على الإطلاق ولولا أنها موجودة في صحيح مسلم ماكناش صدقناها

اهلا بكم وتعالوا احكي لكم النهاردة عن قصة

الصحابي تميم الداري اللي قابل المسيح الدجال
هو الصحابي تميم ابن اوس الداري نسبة إلى الدار فرع من قبيلة لخمة وكان تميم من رهبان فلسطين قبل ما يسلم لكن لما حصلت معه حكاية الدجال دي رجع على طول على أرض الجزيرة وقابل النبي صلى الله عليه وسلم وحكى له وبايعه وأسلم والحكاية نفسها روتها الصحابية فاطمة بنت قيس رضي الله عنها واحدة من المهاجرات الاوائل

النبي صلى الله عليه وسلم في يوم من الايام اخر صلاة العشاء جدا ولما خرج للناس أعتذر لهم عن التأخير وقال لهم أن السبب في تأخيره أنه زاره راجل اسمه تميم الداري وحكى له حكاية حصلت معه وطال بهم الكلام فتأخر النبي صلى الله عليه وسلم عن الخروج في ميعاد صلاة العشاء فخلينا بقى نقرا الحديث الطويل ده حتة حتة ونحكي الحكاية

روى الامام مسلم في صحيحه عن فاطمة بنت قيس رضي الله عنها قالت سمعت نداء المنادي منادي رسول الله صلى الله عليه وسلم ينادي الصلاة جامعة كانت من عادة النبي صلى الله عليه وسلم أن لو في حاجة طارئة محتاج يقولها للناس أنه كان بيبعت منادي يمشي في شوارع المدينة ينادي في الناس ويقول لهم الصلاة جامعة فالناس تعرف أن النبي صلى الله عليه وسلم عايزهم يروحوا كلهم يجتمعوا في المسجد فخرجت إلى المسجد فصليت مع رسول الله صلى الله عليه وسلم فلما فاطمة رضي الله عنها سمعت المنادي وهو بيقول الصلاة جامعة خرجت من البيت وراحت على المسجد  وصليت خلف النبي صلى الله عليه وسلم صلاة العشاء

و كنت في صف النساء التي تلي ظهور القوم وكانت فاطمة في أول صف من صفوف النساء في عهد النبوة ماكانش فيه مسجد للرجالة ومسجد للستات كان مسجد واحد وهو عبارة عن مساحة بسيطة جدا مفتوحة على بعضيها الرجالة بيقفوه في الصفوف الأولى وبعد ما كل الرجالة ينتهوا من الأصطفاف تيجي الستات تقف في الصفوف اللي وراهم على طول

وغالبا فاطمة قالت التفصيلة دي علشان تأكد أنها كانت سامعة النبي صلى الله عليه وسلم كويس وهو بيحكي ما كنتش مثلا في آخر صف ففي كلمة تاهت عنها أو حاجة زي كده فلما قضى رسول الله صلى الله عليه وسلم صلاته جلس على المنبر وهو يضحك.

بتقول فاطمة أن النبي صلى الله عليه وسلم بعد ما سلم من صلاة العشاء  قام و طلع على المنبر وقعد عليه وهو بيضحك وغالبا ضحك النبي صلى الله عليه وسلم في الحدث ده كان سببه أنه عارف أنه هيحكي للناس دلوقتي الحكاية في غاية العجب وطبعا الناس كلها  اللي قاعدين مستنيين صلاة العشاء من بدري عايزين يعرفوا ليه النبي صلى الله عليه وسلم أتأخر أوي كده واللي كانوا في البيوت عايزين يعرفوا ليه النبي أرسل المنادي

فقال ليلزم كل إنسان مصلاه يعني ما يقومش من مكانه اللي كان بيصلي فيه ثم قال اتدرون لما جمعتكم؟
قالوا الله ورسوله أعلم

قال إني والله ما جمعتكم لرغبة ولا لرهبة   

ولكن جمعتكم لان تميمنا الداري كان رجلا نصرانيا فجاء فبايع واسلم  وحكى لي حكاية  وافق الذي كنت أحدثكم عن مسيح الدجال و واللي ما ينفعش حد يعرفه غير بالوحي أو أنه يكون شافه فعلا وطبعا دي منقبة وشرف عزيم جدا لتميم الداري هو الصحابي الوحيد اللي النبي حدث عنه أي حديث دايما تلاقي صحابي بيقول حدثني رسول الله أو قال رسول الله انما ده الحديث الوحيد اللي النبي صلى الله وسلم بيقول فيه حدثني تميم
عن رحلة له  على سفينة في عرض البحر وكان معه في الرحلة دي تلاتين راجل من قبيلتين مختلفين قبيلة لخم وقبيلة جوزام ودول قبيلتين من اليمنية القحطانية اللي كانوا عايشين في أرض فلسطين فلعب بهم الموج شهرا في البحر والبحر هنا هو غالبا البحر الأحمر مش البحر الابيض المتوسط

لان زي ما هنعرف بعد كده في الحكاية انهم هيتجهوا ناحية المشرق وده لان البحر الابيض المتوسط ما ينفعش نروح منه لناحية المشرق لان اللي بيربط بين الغرب والشرق هي قناة السويس فعليا وطبعا قناة السويس ما كانتش موجودة وقتها
المهم أنهم لما خرجوا في الرحلة الأمواج كانت شديدة وكانت العواصف قوية وفضلوا يطوحوا في البحر شهر كامل مش قادرين يسيطروا على السفينة ومش عارفين هم فين وعلى كده تميم ما قدرش يحدد المكان اللي هم قابلوا فيه المسيح الدجال ثم ارفأوا الى جزيرة في البحر حتى مغرب الشمس وكلمة ارفأوا هنا من كلمة المرفأ اللي هي المينا يعني ومقصود بها انهم قربوا بالسفينة بتاعتهم ناحية جزيرة وفضلوا هناك لحد الغروب طبعا 

تخيل معايا في السيناريو ده ناس تايهين في البحر بقالهم شهر الموج مغلبهم وفجأة لقوا نفسهم قدام جزيرة أكيد فورا راحوا مقربين ناحيتها على أمل يلاقوا فيها أي حاجة
لما وصلوا الجزيرة وورسوا على الشاطئ ظهر لهم مخلوق اول مرة يشوفوه مخلوق غريب مش قادرين يحددوا ملامحه من كتر الشعر

لدرجة أنه بيقول ما كانوش عارفين وشه من ضهره

فقالوا ويلك ما انت اول ما شافوه اترعبوا وقالوا ايه المخلوق الغريب ده؟

وكانت المفاجأة ان المخلوق رد عليهم فقالت انا الجساسة ما حدش يعرف يعني ايه الجساسة على وجه التحديد

لكن بعض العلماء قالوا انها كانت بتتجسس على الأخبار لصالح الدجال علشان كده اتسمت بالجساسة الأكيد أن أسمها الجساسة والحديث نفسه مشهور باسم حديث الجساسة
قالوا وما الجساسة؟ 
لما قالت لهم كده استغربوا زينا

وقالوا لها يعني ايه الجساسة ؟

إحنا أول مرة نسمع الكلمة دي
قالت ايها القوم انطلقوا إلى هذا الرجل في الدير فإنه إلى خبركم بالاشواق لما سألوها عن معنى اسمها ما ردتش عليهم وكانه مش ده المهم أصلا أنتم بتسألوا عن إيه؟

  فيه راجل هناك مستني أي خبر يجي من برة الجزيرة 

 

تميم قال اول ما قالت لنا ان في انسان عايش على الجزيرة هربنا من قدامها فورا خفنا انها تكون شيطان متجسد في المخلوق ده

قال  جرينا بسرعة لحد ما دخلنا الدير  اللي هي شاورت لنا عليه   لقينا في المبنى شخص غريب جدا أضخم إنسان شفناه في حياتنا قبل كده

وبعض المفسرين قالوا  معني  اضخم دي معناها إنسان لما تشوفه يقع في قلبك الخوف ومش بس كده ده أكتر واحد متكتف شفناه في حياتنا مجموعة يداه إلى عنقه وبدأ يوصف تميم الطريقة اللي الراجل كان مربوط بها

وقال أن ايديه الإتنين كانوا مربوطين في رقبته  من أول ركبته لحد كعبه سلاسل بالحديد متربطة  
قال أول ما شفناه ترعبنا وقلنا له انت ايه؟
انت انسان ولا ايه حكايتك?
وايه اللي جابك هنا?
ومتربط ليه في الاغلال دي?

قال لهم أنا متكتف وانتم خلاص وصلتم لي واللي هضطر اجاوب عليه ما فيش مفر زي ما انتم شايفين
بس قبل ما اجاوب عايزكم انتم تجاوبوني على شوية اسئلة وبدأ الراجل المتكتف يسألهم وهم يجاوبوا
فاخبروني ما انتم انتم مين?
وازاي وصلتم للجزيرة بتاعتي?

قالوا نحن جماعة  من العرب   كنا طالعين في رحلة على سفينة بحرية لكن للأسف البحر هاج وإحنا في الرحلة وفضل يطوح السفينة بتاعتنا شهر كامل ثم ارفأنا الى جزيرتك هذه فجلسنا في اقربها فدخلنا فلقيتنا دابة اهلب كثير الشعر لا يدرى ما قبله من دبره من كسرة الشعر

فقلنا ويلك ما انت؟

فقالت انا الجساسة

قلنا وما الجساسة؟ قالت اعمدوا إلى هذا الرجل في الدير فانه إلى خبركم بالاشواق فاقبلنا إليك صراعا وفزعنا منها ولم نأمن ان تكون شيطانا
حكوا له كل اللي حصل معهم من اول ما خرجوا وتاهوا في البحر لحد ما قابلوا الدابة ووصلوا له في الدير

فقال اخبروني عن نخل بيسان احكوا لي عن النخل اللي في قرية بيسان وهي قرية في الشام مشهورة بان فيها نخل كتير جدا قلنا عن اي شأنها تستخبر؟ ما لها بيسان؟ عايز تسأل عن ايه فيها بالظبط?

قال اسألكم عن نخلها هل يثمر؟ النخل بتاعها لسه كتير والانتاج بتاعه غزير؟

قلنا له نعم

قال اما أنه يوشك إلا تثمر قال لهم هانت قريب النخل بتاعها مش هيثمر
قال اخبروني عن بحيرة الطبرية احكوا لي عن بحيرة طبرية وهي بحيرة مشهورة في منطقة الجليل شمال فلسطين

قلنا عن اي شأنها تستخبر؟ ما لها بحيرة طبرية؟عايز تسأل ايه فيها بالظبط؟

قال هل فيها ماء؟ لسه مليانة ماية؟

قالوا هي كثيرة الماء قالوا له اه مليانة ماية

قال اما أن ماءها يوشك أن يذهب قال لهم هانت الماية بتاعتها قريب هتختفي وغالبا يقصد هنا قصة يأجوج ومأجوج أنهم هيشربوا بحيرة طبريا في آخر زي ما ورد في بعض الأحاديث أن أولهم هيعدي على بحيرة طبرية فيشرب منها ولما يوصل آخرهم للبحيرة هيقول كان هنا ماء

قال أخبروني عن عين زغر وعين زغر هي نبع مية قديم جدا جنوب بحيرة طبريا بالقرب من مدينة أريحا في فلسطين لكن بعض الناس بيقولوا أنها تابعة للأردن
وبيقال أن كلمة زغر نفسها هي إسم بنت من بنات أدم عليه السلام وهي اللي العين اتسمت على أسمها والمكان دلوقتي أسمه عين السلطان

قالوا عن اي شأنها تستخبر؟ ما لها عين زغر؟
عايز تسأل عن ايه فيها بالظبط؟
هل في العين ماء؟ وهل يزرع أهلها بماء العين؟
العين دي لسة فيها ماية واهل البلد لسة بيزرعوا من الماية اللي بياخدوها من العين؟
قلنا له نعم هي كثيرة الماء واهلها يزرعون من مائها
قلنا له ايوة مليانة ماية والناس بتزرع من الماية بتاعتها عادي جدا
في رواية صحيح مسلم الراجل ما علقش على موضوع العين لكن في رواية تانية برة صحيح مسلم يعني مش بنفس درجة الصحة
قال التالي اما انه سوف يغور ماؤها فلا يحترس عليها اهلها الماية بتاعتها هتختفي واهل البلد مش هيلاقوا ماية يزرعوا بها

ولو خدتوا بالكم هتلاقوا ان الحاجات اللي سألهم عنها كلها في فلسطين وده فيه رسالة لأهمية فلسطين في تاريخ الاديان كلها ده غير أن فلسطين لها علاقة خاصة مع الدجال من علامات الساعة الكبرى

أن عيسى عليه السلام ينزل من السماء
ولما ينزل عيسى عليه السلام هيقابل الدجال في فلسطين وتحديدا عند بيت المقدس لكن لما الدجال يشوف عيسى عليه السلام يهرب ويذوب كما يذوب الملح في الماء فلما يهرب عيسى عليه السلام هينطلق وراه وهيمسكه عند منطقة باب لود الشرقية وهناك هيقتلوا عيسى عليه السلام وينهي فتنة الدجال وواضح جدا من الاسئلة اللي سألها لهم كلها أنه عايز يعرف نهاية العالم قربت ولا لأ السجن بتاعه قرب يخلص ولا لسه بدري قال أخبروني عن نبي الأميين ما فعل

قال لهم احكوا لي عن النبي اللي المفروض يظهر في الأميين اللي هم العرب يعني
والسبب أن العرب اسمهم كده أنهم كانوا ولا بيكتبوا ولا بيقروا اللغة بالنسبة لهم كانت حفظ وتناقل

قال لهم النبي ده ظهر خلاص ولا لسه؟
قالوا قد خرج من مكة ونزل يثرب قالوا له اه ظهر في مكة وبعدين هاجر ليثرب اللي هي المدينة المنورة
قال اقاتله العرب؟ قال لهم دارت بينه وبين العرب اللي حواليه حروب ولا لسه؟
قلنا نعم قلنا له ايوة بيتحاربوا بقى لهم شوية قال كيف صنع بهم ؟
قال لنا ايه اللي حصل في الحروب اللي دارت ؟ فاز ولا هم اللي فازوا ؟
فاخبرناه أنه قد ظهر على من يليه من العرب واطاعوه
قلنا له انتصر علق اللي كانت حواليه ومنهم كتير أسلم والباقي اطاعه والكلام ده معناه أن

اللقاء اللي دار بين تميم والدجال كان بعد فتح مكة وإلا ما كانش هيبقى الرد ان النبي أنتصر عليهم والكلام ده معناه أن تميم قابل الدجال في أواخر سنة تمانية هجرية أو أوائل تسعة هجرية وتميم نفسه أسلم في سنة تسعة هجرية
قال لهم قد كان ذلك قال لهم صحيح الكلام ده أنتصر على العرب واطاعوه

قلنا نعم قلنا له أيوة أنتصر عليهم وهنا كان الرد في غاية الغرابة ولعل الرد اللي جاي ده هو

السبب أن تميم رجع من الرحلة دي راح على النبي بايع وأسلم

قال اما ذلك خير لهم أن يطيعوه قال لهم أحسن لهم أنهم يطيعوه ويسمعوا كلامه مع أنه كافر بل إنه من أشد الناس كفرا لكنه في نفس الوقت فاهم أن الخير كله في أتباع النبي صلى الله عليه وسلم أو لعل ربنا سبحانه وتعالى اجبره أنه الكلام ده يخرج من لسانه وبكده الراجل خلص الأسئلة بتاعته وبدأ يعرفهم عن نفسه واني مخبركم عني خلوني بقى اعرفكم انا مين؟

اني انا المسيح انا المسيح الدجال

طبعا واني أوشك أن يؤذن لي في الخروج وبناء على أجابتكم فواضح أن الحبس بتاعي قرب ينتهي وهخرج علشان ابدا فتنة آخر الزمان فأخرج فاسير في الأرض هاخرج من الجزيرة وهطوف الأرض كلها فلا أدع قرية ألا هبطتها في أربعين ليلة غير مكة وطيبة وفي أربعين ليلة مش هسيب حتة على وجه الارض مش هروحها إلا مكانين بس ممنوع أدخلهم طيبة اللي هي المدينة المنورة ومكة فهما محرمتان علي كلتاهما الإتنين ربنا منعني أدخله كلما أردت أن أدخل واحدة أو واحدة منهما كل ما احاول ادخل اي مدينة من المدينتين استقبلني ملك بيده السيف صلدا  يصدني عنها يقابلني ملك رافع السيف بيحمي المدينة ويمنعني من دخولها وأن على كل نقب منها يحرسونها واي ثغرة هاحاول أدخل منه هلاقي عليه ملايكة بتحرسه

طبعا كل الكلام ده النبي كان بيحكيه وهو قاعد على المنبر لو فاكرين قالت يعني فاطمة بنت قيس راوية الحديث قال رسول الله صلى الله عليه وسلم وطعن بمخصرته في المنبر النبي صلى الله عليه وسلم وهو قاعد على المنبر قال وهو عمال يخبط بالعصاية بتاعته في المنبر نفسه هذه طيبة هذه طيبة هذه طيبة هي دي طيبة المزكورة في الحكاية المدينة المنورة إلا هل كنت حدثتكم ذلك؟

وبعدها النبي صلى الله عليه وسلم قال لهم مش أنا كنت حكيت لكم التفاصيل دي عن الدجال قبل كده قبل ما تميم ييجي ولا أعرف مين تميم ده أصلا؟

فقال الناس نعم فالناس قالوا حصل سمعنا التفاصيل دي منك قبل كده يا رسول الله فانه اعجبني حديث تميم انه وافق الذي كنت احدثكم عنه وعن المدينة ومكة زي ما قلت زمان وطمنتكم أنه مش هيقدر يدخل مكة ولا المدينة وأنكم محميين جواها فلما تميم حكى لي اللي حصل معه وأن الدجال مش هيقدر يدخل مكة ولا المدينة زي ما أنا كنت قايل لكم قبل كده فعجبني إن كلامه متوافق مع الوحي الذي عندي فعلشان كده صدقته
وجيت احكي وبعد ما النبي صلى الله عليه وسلم خلص حكاية تميم
علق عليها إلا إنه في بحر الشام أو بحر اليمن لا بل من قبل المشرق ما هو من قبل المشرق ما هو؟
من قبل المشرق ما هو واومأ بيده الى المشرق يبدو ان النبي صلى الله عليه وسلم في الأول ظن أن الجزيرة دي في بحر الشام أو بحر اليمن لكن وهو على المنبر نزل عليه وحي أنه في المشرق عموما مش في البحرين دول على وجه التحديد قالت فحفظت

هذا من رسول الله صلى الله عليه وسلم قالت فاطمة بنت قيس رضي الله عنها انها سمعت الكلام من النبي صلى الله عليه وسلم وحفظته صم ودي كانت حاجة مشهورة جدا عند العرب ما كانتش حاجة شاذة أن حد يسمع حاجة ويحفظها زي اسمه

وبكده خلصت الحكاية حكاية تميم الداري واحدة من اعجب القصص اللي في التراث الإسلامي على الإطلاق قصة تحسها خارجة من الأساطير لكن طالما ثبت عندنا الاسناد وأن الحديث صحيح وان النبي صلى الله عليه وسلم قاله فعلا يبقى نصدقه وكلنا مؤمنين به مية في المية

وصلي اللهم وسلم وبارك على سيدنا محمد وعلى اله وصحب اجمعين ومن تبعهم باحسان الى يوم الدين

وبكده يبقى وصلنا لنهاية المقال  مستني رأيكم في التعليقات 

#رحلة تيم الداري #مسيخ الدجال #الجساسة #علامات الساعة #الدجال