الفضاء المهيب بعزلته وبعده وسكونه عنصر رهبة وتوتر على اكتر البشر حتى اللي تلقوا كل التدريبات الممكنة اي حاجة تحصل مهما كانت صغيرة بترفع من معدلات الادرينالين تسير الشك والقلق والخوف اي صوت ولو حتى صغير اي ضوء او مؤشر عطلان او هزة غريبة او شاشة بياناتها مش واضحة سهل جدا تتسبب في حالة من الرعب
قصة رائد الفضاء الأمريكي بوب كيرين
بتبدأ قصة رائدة الفضاء الامريكي بوب كيربين لما اكتشفوا في محطة الفضاء الدولية ان في مشكلة في نظام التبريد بتاع المحطة وكان مطلوب من كربيين انه يخرج من المحطة ويفحص الانابيب الخراطيم اللي برة ، لكن فجأة وأثناء ما كان بيفحص الأنابيب حصل فجأة تسريب كثيف للأمونيا اللامائية المستخدمة في التبريد المواد السامة لوثت البدلة بتاعته كلها لدرجة انها كانت مغطية البدلة بطبقة من الغاز المتجمد سمكها حوالي اتنين ونص سنتي والحدث المفاجئ ده كان معناه ان كربين ما ينفعش يدخل المحطة مرة تانية وهو في الحالة دي وده لان رجوعه بالكمية دي كلها من السموم على البدلة كفيلة انها تلوث المحطة كلها من جوة وتموت زمايله وهنا بدأ كيربين يستخدم كل الأدوات اللي معه برة علشان يحاول ينضف البدلة بتاعته والخوذة على امل انه هيدخل تاني لكن نتيجة للكمية المهولة اللي كانت على البدلة نسبة التلوث كانت اكبر من انه ينفع ازالتها بالطرق التقليدية وعلشان كده زمايله اتخذوا الإجراءات الوقائية الضرورية في الحالات اللي زي دي وتم منعه من الدخول للمحطة مرة تانية لحد ما نسبة السموم اللي على البدلة بتاعته تقل وهنا بدأ كيربين يستوعب ان دي اللحظات الأخيرة في حياته كمية الاكسجين اللي كانت معه يا دوب تكفي تلاتين دقيقة كمان وفيهم يا اما يحل المشكلة يا اما خلاص كمحاولة اخيرة لحل المشكلة قرب كربين من اكتر نقطة للشمس ساطعة فيها على ان حرارة الشمس تسرع من تبخير الأمونيا وعدت عليه بدقايق مرعبة وهو بيحاول المحاولة الأخيرة دي انسان وحيد في فضاء لا متناهي في سباق مع الزمن علشان ينجو بحياته لدرجة أنه طلب من زمايله أنهم يفضلوا يتكلموا معه طول الوقت ويتأكدوا انه ما زال محتفظ بوعيه كان خايف انه يفقد وعيه من الخوف ومعه يفقد اخر امل في النجاة وبعد مرور أصعب تلاتين دقيقة في حياته الأجهزة أصدرت الإشارات اللي بتقول ان مستويات الأمونيا دلوقتي انخفضت للحد اللي معها ممكن يفتحوا له باب المحطة وبمجرد ما دخل انطلق زمايله بالهوا المضغوط المطهرة ناحيته وهم كلهم لابسين بدل الطوارئ ومرت الدقايق والساعات تقيلة على كل رواد الفضاء اللي كانوا في المحطة يوميها لحد ما أنظمة دعم الحياة وترشيح السموم عملت شغلها وهي العملية اللي استمرت خمس ساعات كاملين في التطهير خمس ساعات ما حدش فيهم عارف الموضوع هينتهي على ايه ؟ لحد ما في النهاية اترشحت السموم وانتهى الموقف العصيب والقصة المخيفة
قصة رائد القضاء الصيني يانج ليوي
سنة الفين وتلاتة كانت موعد ارسال اول رائد فضاء من الصين علشان يدور حوالين ومن المفترض ان الرحلة الاولى لاي دولة بيتم تسليط الضوء عليها جدا وقد ايه هي مبهرة وانجاز علمي كبير وكفاءة رواد الفضاء اللي طالعين والقصة دي كلها لكن رحلة الصين الاولى كانت في غاية الغرابة رائد الفضاء الصيني يانج ليوي رجع برواية عجيبة بيأكد فيها انه سمع صوت كانه صوت واحد معه شاكوش بيخبط به على صاج ولما حكى الموضوع بقية الطاقم اتعامل معه على انها مجرد هلوسة سمعها يانج لكن المفاجأة اللي نزلت زي الصاعقة على الكل ان بمجرد ما ينج حكى عن الصوت الغريب اللي سمعه ده كل افراد الطاقم التانيين اكدوا الكلام كلهم قالوا احنا كمان سمعنا نفس الصوت لكن ما حدش كان عايز يقول علشان ما حدش يتهمهم انهم اتجننوا وبدأوا يهلوسوا لكن بما ان كلهم حكوا نفس الحكاية فكان لازم يخرجوا بن٥زرية تشرح اللي حصل واللي قالوا ان ممكن يكون حصل بالفعل انهم عدوا على منطقة مضطربة في درجات الحرارة وكان بيحصل وانكماش للمركبة الفضائية نفسها والتمدد والانكماش ده هو السبب في الصوت اللي يشبه الخبط اللي كلهم سمعوه
قصة رائد القضاء الأمريكي جوردن كوبر
جوردن كوبر هو رائد فضاء امريكي من السبعة الاوائل اللي بدأوا مشروع ميركري الفضائي الامريكي وفي خلال رحلة مدارية على متن كبسولة فضائية سنة الف تسعمية تلاتة وستين لاحظ كوبر مجموعة من الأجسام الطايرة خلته في حالة من الرعب وبسرعة حاول يتواصل مع المحطة الار٦ضية اللي بدل ما يهدوه ويطمنوه زودوا حيرته وخوفه كمان لما قالوا له انه فعلا على حق وانهم رصدوا فعلا أجسام طايرة حواليه وفي خلال الدقايق الأولى لاحز٦ كوبر ان في جسم من الأجسام الطايرة دي قرب منه لمسافة قريبة جدا وكان كل ما يقرب ينور اكتر بضوء اخضر وكان من الواضح جدا لكوبر ان الجسم ده ما يشبهش اي مركبة ارضية معروفة وللحظات معدودة كوبر كان فاكر انه هيتخطف من مخلوقات فضائية لكن بعدها على طول اختفى الضوء الاخضر ورجعت كل حاجة لطبيعتها مرة تانية لكن بعدها تواصل مع المحطة الارضية تانية وسألهم هل شافوا حاجة ولا لأ ؟ لكن المرة دي قالوا له ان الاجهزة ما رصدتش اي حاجة وبعد ما رجع كوبر للارض مرة تانية تم عقد مؤتمر علشان يحكي فيه الواقعة اللي حصلت فيه للعالم كله وبالفعل تم التنسيق مع شبكة ام بي سي على اعداد المؤتمر لكن الغريب بقى انه قبل بداية المؤتمر بدقايق معدودة فوجئ كوبر بالمراسلين بتوع ام بي سي بيقولوا له انهم تلقوا تعليمات بالغاء المؤتمر كله وبعدها جت ل كوبر مكالمات من مسؤولين كبار بيقولوا له انسى الموضوع ده علشان ما نعملش ذعر في العالم كله وبعد عشر سنين من الحدث ده تم استضافة جوردن كوبر في التلفزيون وحكى الرواية اللي قال انها اتأخرت عشر سنين كاملين علشان تتقال واللي قال انها ما زالت بتسبب له متاعب في النوم لحد دلوقتي